Shillong, March 24: A·doko songdongenggipa ramram manderang baksa meli-nangrimna aro bak-rengsi ong·aniko rakkina gita miksonge Central Reserve Police Force (CRPF)-ni 67 battalion, Shillong-ni Rama Krishna Mission Cultural Center-o civic action programko Sukrobar salo ong·atangaha.
CRPF, manderang baksa bak-rengsi ong·aniko rakkina iandakgipa civic action program-rangko ong·atjringengon, Shillong-ni Rama Krishna Mission-o programko ong·atanggipao, gipin officerrang, Center-ni Swamiji aro chatro-chatrirang gimikni dongpaanio, CRPF-ni 67 Battalion Commandant Pa Alok Bhatacharji mongsonggipa sokgipa ong·e bakko ra·angenba, mikkangchiba iandakgipa programrangko ong·atangkugen ine parakataha.
Ia civic action programni ning·o, CRPF-ni 67-gipa Battalion, Shillong-ni Rama Krishna Mission-na sana-banani bosturang, wheel chair-rang, poraiani bosturang, chokki-tebilrang, ringani chiko chekani bosturangko man·chape ma·manti nanggipa dingtang dingtang bosturangkoba on·angaha.
Meghalaya-ni ning·tubegipa mitam songrangrangoni dakchakako nangnikenggipa nokdangrangna solar lamp-rangko aro chatrorangna poraiani aro kal·susaani bosturangko suale on·angana agreba, Center-o data entry course-ko dakenggipa chatrorangnaba certificate-rangko uamangni jakchin on·angjolaha.
Iakoba poraie nina man·gen: Shillong railway project-na KHADC-ni NOC-ko man•soa dongkuja: CM
