Tura, July 11: Tura songjinmani Dakopgre jolo donggipa Ira Lake-ko July 10 tarik dipet a·palni manderang boating ka·e rochina aro milsi goe rochina gita dingtangmancha namgipa biap dake taridapenba da·odipet damgri napani cholrangko on·chenge jinmana oprake on·angaha.
Ia Lake-ko, bilsi 1970 ba 80 jolo pokkriko cho·a nokgipa Ira Marak-ni a·gilsakko watangani ja·man uni bimingchi mingrikahachim.
Lake-ko manderangna oprake on·angani somoi Ira Marak-ni su·gipa aro lake-ni nokgipa ong·rikgipa Mikkimra Shira-ni Hubnews-na aganangani gita, uni atchutangsa ua porikkiko an·tang jakkalna cho·ahachim jekon uni siani ja·man nirokrikskaenba da·o manderangna boating ka·e rochina aro milsi goe rochina gita jinmanaba oprake on·chakatenga ine parakataha.
Na·tok milsi goani somoiara pring 6 bajioni 2 bajiona ong·gen aro boating-na attam 3 bajioni 5 bajiona ong·skagen ine u·iatangengon, milsi gona gita kontasao gong 500 ka·e damko ra·enga aro una batode 200 ra·dapenga ine talatan baksa, boating ka·e roaniko minit 20 prako gong 100 ka·e aro una batode kontasao 200 ka·e ra·enga ineba ua talataha.
Fishing competition-ko ong·atchakna on·ani giminde da·odipet chanchia dongkuja maina, ian an·tangni gamsa ong·a, indiba ja·mano chanchie nigen ineba ua, kobor ra·timgipani sing·anina aganchakangaha.
Iakoba poraie nina man·gen: Manipur-ni sak 77 manderang Shillong-o ma•chakenga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
