Shillong, May 10: Dingtang dingtang central agency aro a•dok sorkarini official-rang baksana samba jolrango donggipa dingtang dingtang songni dilgiparang aro BSF official-rang baksa tom•e agangrikna gita Budbar salo, Meghalaya a•dokni Governor Phagu Chauhan, Dawki-o donggipa Land Ports Authority of India-ona re•angaha.
Dawki Land Ports-ona re•anganio a•dokni Governor baksana Governor-ni Commissioner & Secretary Dr BDR Tiwari, Customs-ni Deputy Commissioner Animesh Tiwary aro Land Ports Authority of India Dawki-ni Executive Manager Thulisseryl Chacko-ba dongpaaha.
Governor baksa tom•anio dongpae bakko ra•anggipa gipin manderangara, Superintendent of Police Chemphang Syrti, Additional Deputy Commissioner FB Basan, Amlarel Civil Sub-Division-ni Sub Divisional Officer JU Kharpuri, 4 Bn BSF-ni Commandant Pankaj Kumar aro gipinrang ong•a.
Ja•mano a•dokni Governor, ICP Tamabil BOP Dawki, Umngot chibima aro BSF-ni Dawki BOP-onaba re•ange officer-rang baksa agangrikangaha.
