New Delhi, Dec 8: Budbar salo, Defence Staff-ni dilgipa Bipin Rawat-ni helicopter, Tamil Nadu a·dokni Coonoor samba jolo ga·akone a·sel ong·aha aro ia a·sel ong·anio mande sakbonga siangna gita nangaha ine kobor on·aha.
Air Force-oni koborko on·ani gitade, ia Mi-17 V5 Chopper-o General Bipin Rawat-ni jikgipa, uni defence assistant, security commando-rang aro Indian Air Force-ni sipaiko man·chape gimik sak 14 manderang dongachim.
“Chief Minister-ni ge·etaniko man·e anga helicopter a·sel ong·gipa biapona sokbaaha. Helicopter-o donggipa sak 14 manderangoni sakbongade a·sel ong·gipa biapon sikamaha aro gipin sakgni manderangni obostaba namjabatenga. A·sel ong·gipa biapona dakchakna gita sipairang sokbaaha,” ine helicopter a·sel ong·ani ja·man Tamil Nadu-ni Forest Minister K Ramachandran parakataha.
