Shillong, March 14: Department Of Personal and Trainingni gital niamko a•dok sorkari jegalsoenga ine skotong minister Conrad K Sangma budget session-o talatangaha.
MLA Ampareen Lyngdohni sing•anina aganchakengon, gipin a•dokrangko toede an•ching Meghalayao IAS officer-rang komimanchaenga ineba skotong minister aganaha. Ma•mongni deputation ka•atanirarako dakaigenchimode an•ching a•dokna kam ka•anio neng•nikanirangko chagrongangaigen . Sak 77 IAS officialrangoni sak 41san an•chingo donga. Uarangoni sak 23 de IAS manchako see seokako man•giparang aro sak 18 de IAS-ona ra•doatako man•giparang ong•toka.
Meghalaya a•dokna dingtangmancha IAS cadreko man•na gita 2019 bilsio ma•mong sorkarina chittiko seatmanaha aro mikkangchide bang•bata IAS cadre-rangko an•ching a•dokoba man•na ka•dongsoenga aro mikkangchi bang•bata IAS officer-rangko ong•katatna dingtang dingtang coaching programrangkoba ong•atrongenga ine skotong minister talatangaha.
