Guwahati, Jan 26: Assam-ni Skotong Minister Himanta Biswa Sarma, Dibrugarh a•jako bilsi 3-ni gisepo a•dokni 2-gipa skotong song dakatgen ine parakataha.

Assam-ni Skotong Minister, Dibrugarh-o skanggipa changna a•songni nisan-ko badalate on•angaha.

Skotong Minister, ia salko itihas-o gisik ra•na krabegipa sal ine aganan baksana, 2027 bilsioni Assam Assembly-ni session ge•sakode bilsiantin Dibrugarh-o ong•atanggen ineba parakataha.

Una agreba, Assam-ni Skotong Minister, Dibrugarh-o chong•motan Upper Assam-ni Bharmaputra-ni salgipengchipak donggipa chisam jolo Assam Assembly building-ko rikna miksonganiko parakataha aro ia buildingko rikani kamrangko 2026 bilsini January 25 tariko a•bachengatgen.

Skotong Minister Sarma, Assam jolo donggipa administration-rangko namdapatna miksonganirangkoba jinmana parake on•angaha. Assam sorkari, Tezpur-o Raj Bhawan-ko rikanggen aro ian Assam-ni dakbewal rikbewalrangko ripinge rakkigipa skotong song ong•aniko mesoka. Guwahati-ko Barak Valley baksa nangdimatna gita Silchar-o Secretariat aro Chief Secretary-ni office-rangkoba man•gnok. Ua Dibrugarh-ni gamchatani gimin aganengon, bilsi 3-ni jamano ian India-ni mongsongbatgipa songjinmarangoni damsa ong•pagen ineba aganangaha.

Re•anggipa bilsio, Skotong Minister Sarma, sorkarini namgnirangko manderangni jak sokao ong•atna gita Skotong Minister-ni office-ko skanggipa changna Assam-ni Skotong songni apal Dibrugarh-o rikaha.

Iarang baksa, Dibrugarh a•dok sorkarina, jatni dakbewal rikbewalrangna aro bading chiwalanio mongsonggipa ong•na tarisamsogimin ong•a.

Na·simang ia video-koba nina man·gen:

Na·simang iakoba poraina man·gen: Chonenggipa bi•sarangna skie ra•anio aro dal•roroanio dakchakniko on•a Meghalaya-ni Anganwadi-rangko nambatatgen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub