Dibrugarh, May 23: Khalistan movement-na chakpae skiprakanirangko dakenggipa Amritpal Singh aro unbaksa Dibrugarh Central jail-o donako man·enggipa una dakchakgipa saksku gipinrangko grongna gita National Security Agency (NSA) team-ni sakbri manderang Mongolbar salo, Assam Dibrugarh-ona re·batokaha.
NSA team-ko dilengipa NSA-ni Advisory Board-ni Chairman aro kamoni neng·takgimin Justice, Shabihul Hasnain baksana, membor Suveer Sheokand, membor Divanshu Jain aro Punjab-ni IGP Pa Rakesh Agarwal-maang sakbrian Mongolbar attamchibara 3 atamango Dibrugarh Central Jail-ona sokbaani ja·man pattoko donenggipa manderangko grongangaha.
Indake ong·engon, Punjab-ni saksa skiprakgipa Amritpal Singh-ko re·anggipa April jani 23 tarikonin Assam, Dibrugarh-o donggipa pattok noko donenganiko nikatna gita man·gen aro Waris Punjab De-ni skotong dilgipa Amritpal Singh-ni pagipa Tarsem Singh aro ma·gipa Balwinder Kaur-maangba re·anggipa May-ni 18 tariko pattokona re·bae depanteko grongangtokaha.
Amritpal Singh baksana, Dibrugarh-ni pattok noko donako man·enggipa Waris Punjab De-ni saksku gipin memborrangara, Papalpreet Singh, Kulwant Singh Dhaliwal, Varinder Singh Johal, Gurmeet Singh Bukkanwala, Harjit Singh, Bhagwant Singh Bajeke, Basant Singh, Gurinderpal Singh aro Daljeet Singh Kalsi-maang ong·a.
