Shillong, May 13: Meghalaya sorkarini a•bachengatgipa FOCUS programni gita dol 35 na batpile producer grouprang namgniko man•engaha. A•dokni game-ge•e cha•enggiparangna namgniko aro dingtang dingtang cholrangko dake on•angna miksonge ia programko a•bachengataha. Meghalaya Basin Development Agency Nongpohni gita Ribhoi districtni ning•o donggipa dingtang dingtang songrangni, dol 35 producer grouprangna sukrobar salo tangkani chequerangko suale on•angaha.Game-ge•e cha•giparangko tang•doatna aro uamangni man•gimin bosturangko nama damo pale lapko man•a ba uarangko tang•doatanina kam ka•na ia programna sorkarioni tangkarangko chamaha. Tangkani chequerangko producer groupantini dilgiparangni jako jolni MLA Mayral Born Syiem, MBDA ni officer rangni dongpaanio on•angaha.