Shillong, May 15: Capricci Cinema, Shillong-ni Anna Films baksa bakrimenba namen mingsingako man•gen ine a•kangako man•gipa, Dominic Megam Sangma-ni tarigipa Garo jawilwat “Rapture”-ko France-ni dam 100 mangni gita theatre-rango me•sokchenganiko dakanggen ine parakataha. Ia jawilwatan, Meghalaya-oni skanggipa changna French Cinema-rango gipatako man•chenggipa ong•an baksana a•gilsak gimiko Garo cinema-ni gimin niksengbatatna ja•ku de•chenganio chu•sokaniba ong•enga.
Shillong Anna Films-ni nakatatgipa jawilwat, Rapture, a•song gimikon duk ba sikkimaniko name tale golpoko u•iatna changani gimin aro nambegipa dakmesokani ba nambegipa cinematography baksana A•chik jatni ning•tubegipa daka rikani aro bebe ra•anirangko che•em che•em ning•tuae me•sokahanina manderangni gisiko miknapataha. Dominic Megam Sangma-ni ia jawilwat-rangko tarie me•sokaniara Cinema-ni a•bao namen dingtangbegipa aro chong•mot ong•gipa ku•rangko ra•baan baksana ia bilsubee uni jawilwat-ko France a•songo me•sokaniara uni kamo namen sapbeaniko me•soka.
Ia Rapture jawilwat, namen mingsingako man•gipa dol, Groupement National des Cinémas de Recherche (GNCR)-oni gita gamchatgipa bimung on•aniko man•aha. Ia mingsinggipa bimungko man•anichi ia jawilwat bang•a biaprangona ba nigiparangona sokatako man•gen. Skanggipa bako, dam 64 cinema nokrango ia jawilwat-ko re•baenggipa antirango me•sokaniko dakanggen.
Ia jawilwatko, skanggipao, France-ni mongsonggipa biaprangni mingsingbegipa theatre-rang chongmotan Paris-ni MK2 Beaubourg aro Le Reflet Medicis-o, Avignon-ni Utopia-o aro Bayonne-ni L’Atalante-o aro gipinrango me•sokaniko dakanggen.
Ia Rapture jawilwat-ko me•sokaniara, A•chik jatrangni apalbegipa dakbewalrangko manianisan ong•aija, International gadango Indian cinema-ni cheaniko mesokaniba ong•enga.
Na·simang ia video-koba nina man·gen:
Na·simang iakoba poraina man·gen: Chiakkolo ga•aksrugipa mongma bi•sako jokata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
