Shillong, May 22: ‘World Hypertension Day’-ko maniani bak gita Sonibar pringo, Shillong-ni Dr Gordon Robert Hospital, Marathon-ko Shillong songjinmani Jaiaw-o donggipa Hospital-ni main gate-o ong·atangaha.
Ia marathon-ko bakdok dake, chong·motan senior male, senior female, junior male, junior female, staff male aro staff female gadangrango ong·atangaha, jeon sak 200-na baten manderang bakko ra·angtokaha.
Senior male gadango Sainkupar Jyrwa skanggipa ong·aha aro senior female gadango Barisha Khymdeit skanggipa ong·skaaha.
Junior male gadango Banlam War aro Junior female gadango Banylla Khongjee skanggipa biapko man·skaaha.
Ia Marathon katsusaanio bakko ra·giparangoni dingtangmancha ja·delbatsranggipa aro chonbatsranggipa manderangnaba boksisrangko on·angaha.
Ia marathon katsusaanio, be·enni gita cholgri ong·gipa manderangoni Denisius Manitt-ba bakko ra·angahani gimin dingtangmancha hospital-ni gita unaba boksisko on·aha.
