Tura, March 14: Re•baenggipa April jani 12 tariko ong•atna sienggipa Garo Hills Autonomous District Council (GHADC) election-o Tribal ong•gijagipa manderangni bak ra•paaniko jegalna gita East Garo Hills a•jani NGO-rang, Sombar salo bike rally-ko ong•atenga.
Koborko on•ani gitade, ia bike rally-ko Rongjeng jolni NGO-rang ong•atenga aro ia bike rally-o dingtang dingtang NGO-rang bakko ra•angenba, GHADC election-o gipin jatrangni bak ra•paaniko jegalangtokgen.
GHADC election-o Tribal ong•gijagipa manderangni bak ra•paaniko dingtang dingtang dolrang jegaltokengoba, dingtang dingtang political dolni non-Tribal candidate-rang aro Independent candidate-rangba ia election-o susana gita an•tangtangni nomination-rangko file ka•mantokskaahachim.
