Shillong, Jan 5: East Jaintia Hills a•jani Lukha chibimako kabatgipa Sonapur dolongo be•sriani chinrangko nikna man•engahani gimin ta•raken ia dolongko taridapchina gita Budbar salo, Meghalaya a•dokni Deputy Chief Minister aro PWD (Roads) Minister Prestone Tynsong, National Highway Authority of India (NHAI)-ko ge•etangaha.

Budbar salo ua iani bidingo NHAI aro PWD (Roads)-ni official-rang baksa tom•enba, ia dolongko ta•raken taridape on•china ge•etangaha.

Tynsong-ni parakatani gitade, Delhi-oni u•i-ma•sigipa manderangba a•dokona sokbaaha aro ia dolongko name nina gita Sonapur-ona re•angaha.

Ia metre 100-mang ong•gipa dolongko Army BRO rikahachim aro ian Meghalaya a•dokko salgro salaramni gipin a•dokrang baksa nangdimeatgipa dolong ong•engachim.