Shillong, Jan 12: Bristibar salo, Meghalaya a•dokni Social Welfare Minister Kyrmen Shylla, East Jaintia Hills District Sports Association-ni Artificial Grass Football Ground-ko Diengchynrum songo a•bachengate on•angaha.
Ia football ground ba robol kal•chakramko a•bachengate on•angani somoio a•dokni Social Welfare Minister, jinmana aganprakangengon, East Jaintia Hills a•jao robol kal•na changgipa chadamberang bang•en ong•kataha aro ia Artificial Grass Football Ground-ko tarie on•anichi, chadamberangko ong•gija dakgipa kamrangoniko chel•e dongatna aro kal•susaanirango bak ra•china didiani ong•gen ine parakataha.
Ia stadium-ko an•tangtangni gam-jin gitan jakkalchina aro stadium-ko name nirokchina gitaba ua jolni manderangko didiangaha.
Iana skang, East Jaintia Hills a•jani Deputy Commissioner Abhilash Bharanwal-ba jinmana aganprakangengon, ia stadium-ko gong crore 2.5 koros ong•e rikaha aro ia stadium-na Kyrmen Shylla-ba DMF Fund-oniko gong lak 20 tangkarangko on•gilataha ine parakataha.
