Shillong, Mar 19: Civic Action program-ni bak gita re·anggipa Sonibar salo, Border Security Force (BSF) sipai dol, mega medical camp-ko East Jaintia Hills a·jani Umkiang-o donggipa Holy Cross School-o ong·atangaha aro ia program-ko ong·atanio allopathic aro ayurvedic doctor-rang, manderangna indin sanna bananirangko on·angaha.
Ia program-ko ong·atanio East Jaintia Hills a·jani Deputy Commissioner Abhilash Baranwal-ba dongpae bakko ra·angaha aro kobor ra·timgipa manderang baksa agangrikengon, ayurvedic samrangni gamchatgipa ong·ani bidingo talataniko on·angaha.
Ia mega medical camp-ko ong·atanio Umkiang jolo donggipa dingtang dingtang songrangoni bang·bea manderang re·bae be·enni gita porikkarangko ra·e nina cholrangko man·tokaha.
