Shillong, May 22: East Khasi Hills a·jani dingtang dingtang biaprango AYUSH Ministry, re·anggipa May 17 tarikonin ‘AYUSH 64’ samko indin suale on·na a·bachengataha.
North Eastern Institute of Ayurveda & Homoeopathy (NEIAH)-ni doctor Vishnu Chaudhary-ni parakatani gitade, COVID-19 man·e sorkari ba NGO-rangni kuligipa centre-rango dingtang dongna nangenggipa pilak manderangan AYUSH Ministry-ni on·enggipa samrangko man·gen.
“Saenggipa manderang ba uko nitimenggipa manderang, an·tangtangni RT-PCR positive report aro Aadhar card-ni copy-ko ra·e Shillong songjinmani Mawdiangdiang-o donggipa NEIAH hospital-ona re·ange indin on·enggipa AYUSH-64 tablet-rangko ra·ena man·gen,” ine Dr Chaudhary parakataha.
