Tura, Jan 31: East Garo Hills a·jani Simsang nalsao donggipa Bolkinggre songo, parachute baksa ma·sina man·gijagipa bostu ga·akonani ja·man police-rang am·sandiangon, ia ga·akongipa bostuara balwa ta·rakaniko togipa ostrosa ong·a ine ma·sina man·aha.

Williamnagar Police Station-ni ning·o donggipa Asiragre songo, ma·sina man·gijagipa bostu ge·sako man·aha ine January 30 tarik walni 9:00 bajimango, Bolkinggre songo donggipa police-rangni anti-insurgent operation camp-ona u·iatahachim.

Koborko man·soani ja·man dolsa police-rang, boma kimitgipa sipai baksa ua biapona re·ange am·sandina a·bachengaha.

Ia obostani bidingo sing·sandianiko dakon, January-ni 29 tarik attam 6:30 bajimango, Asiragre songni Silnang R Marak minggipa mande saksa, “meteomodem PS-20 made in France” ine segipa bostu baksana ia bostu baksa kachapgipa gitchak rongni parachute-ko an·tangni baganoniko nike, noktango donaha ine ma·sina man·aha.

Ia PS-20 bostuko ja·mano police-rang ra·angenba name am·sandie nion, ia bostuara balwa ta·rakaniko togipa GPS sonde ostrosa ong·achim ine ma·sina man·aha.

Ia bostuni bidingo ma·sina man·ani ja·man, songni manderangko kenjagokjachina gitaba East Garo Hills a·jani police-rang didiataha.

Iakoba poraie nina man·gen: Bilsi 6 ong•gipa me•chik bi•sako ka•saninggija so•otanina saksako rim•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub