29.8 C
Tura
spot_img

EGH-o bolo dingdee dongenggipa mande saksani manggisiko man•a

Must read

Tura, Jan 25: East Garo Hills a•jani Nengkhra jolo donggipa Jojra Bisrik buringo, mande saksani bolo dingdee dongenggipa manggisiko man•aha.

Police-rangni u•iatani gitade, ia mandeni manggisiara saksa Pitol D Shira minggipa mandeni manggisi ong•achim aro ua re•anggipa December 12 tarikonin gimaengachim. Ia mandeni gimaani ja•mano, uni jikgipa, re•anggipa December 12 tariko Nengkhra outpost-o missing report-ko on•eahachim.

Indake ong•engon, ia mandeni manggisiko re•anggipa Sonibar attamo buringo donggipa bol pangsao dingdee dongako police-rang nikaha ine u•iataha.

“Ia mandeni manggisiko man•ani ja•mano chinga ia a•selni bidingo am•sandianirangko dake, uni manggisiko post mortem ka•aha. Post mortem ka•ani ja•mano uni manggisiko uni nokdangni manderangna pakwate on•ataha,” ine East Garo Hills a•jani Superintendent of Police (SP) Bruno A Sangma, Sombar pringo Hub News-na u•iataha.

SP-ni u•iatani gitade, ia mandeni nokdango sing•sandianirangko dakon, ua tangka paisani gita neng•nikanirangko man•engachim ine ma•sina man•aha.

“Da•o dipet ia mande maidake siaha chinga name ma•sina man•kujaenga indiba ia mandeni sianio maiba ong•gija dakanirang dongama dongja uko ma•sina gita chinga tale am•sandianirangko dakengkua,” ineba Sangma parakataha.

More articles

LEAVE A REPLY

Please enter your comment!
Please enter your name here

The reCAPTCHA verification period has expired. Please reload the page.

spot_img
spot_img

Latest article