Williamnagar, Mar 12: Mongolbar salo, Meghalaya a·dokni Soil & Water Conservation Minister Marcuise N Marak, Rashtriya Krishi Vikas Yojana (RKVY) project-rangko East Garo Hills a·jani Samanda C&RD Block ning·o donggipa Doktilgre aro Dinaminggre songrangna a·bachengate on·angaha aro ia project-rangko a·bachengate on·anganio, Samanda-ni BDO Tochri R Sangma, Rongjeng-ni Civil SDO Reuben Ch Momin, Soil & Water Conservation department-ni official-rang, songni Nokmarang aro gipinrangba dongpae bak ra·angtokaha.
Ia RKVY project-rangko a·bachengate on·angengon, dingtang dingtang department-ni ning·o dingtang dingtang namroro silroroatani project-rangko ra·bae, Meghalaya a·dokko ’10 Billion Economy’ ong·atna gita a·dokni Chief Minister Conrad K Sangma, rakbee kamrangko ka·enga ine Minister parakataha.
Chief Minister-ni dilanichi, Williamnagar-o bang·en namroro silroroaniko nikna man·aha ine Marak aganaha.
Dinaminggre aro Doktilgre songrangko RKVY scheme-ni ning·o ra·anichi, songo game ge·e cha·enggipa manderang bang·en namgnirangko man·gnok ineba ua aganaha.
Iana skang, a·dokni Soil & Water Conservation Minister Marcuise N Marak, gital rikgipa Muga Grainage Hall-ko Samanda Megapgre-ni Pilot Extension Centre-o nokdonggae on·angaha.
Na·simang iakoba poraina man·gen: Meghalaya Sorkari Uranium-ko bikotpiltaina on•jawa : CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
