Shillong, Feb 22: East Jaintia Hills a•jani damgni constituency ning•o ga•akgipa dam bri polling station-rangni Electronic Voting Machine-ko nosto ka•e galanio jak donggipa manderangni kosako police-rang mokordomako segataha aro uamangko am•sandina a•bachengataha.
Ia a•sel dam bri polling station-rang chong•motan, Musniang-Rangad constituency-ni ning•o ga•akgipa Wapung Skur A aro Wapung Skur B aro Bataw-Lakadong Constituency-ni ning•o ga•akgipa Bataw A aro Bataw B polling station-rango pu•ontaianiko dakchina DCA-ni ge•eta ja•man ong•aha.
Ia a•selni bidingo thanao mokordomako segataha aro am•sandianiko a•bachengataha, indake ong•genchimoba da•o dipet darangkoba rim•na mad•kujaenga ine District Police Chief Giri Prasad aganaha.
Additional Deputy Commissioner aro Returning Officer, Jacqueline U Kharpuri, pringni 11:20 bajimangona tom•tom ong•en pu•onaniko dakengachim, indake ong•engon pringni 11:35 bajimango u•ina man•gijagipa manderang Wapung Skur A polling station-ona re•bae EVM-ko nisigalaha aro apsan daken 11:37 bajimango apsan manderangan Wapung Skur B polling station-ona re•angaha aro uanoba EVM-ko nosto ka•galaha jeni a•selan pu•onaniko dontongna nangao ga•akaha ine kobor ra•timgiparangna parakataha.
Indake, damgni polling station-rangonan sipairangko watdapataha ineba SP Giri Prasad u•iataha.
Na·simang ia video-koba nina man·gen:
Na·simang iakoba poraina man·gen: Governor-ni mol•mola jaman jolo donggipa manderang sekdragimin silchidarerangko on•pila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
