Shillong, Apr 24: East Khasi Hills a•jani Ichamati aro Mawlai Mawroh-o mande so•otani gimin police-rangni potchipe rim•gipa Khasi Students Union (KSU)-ni membor sakgniko Budbar salo, East Khasi Hills-ni District Court-o mikkangpaatenba, police-rangni ning•o donkuchina rai on•ataha.
Nongthymmai-ni Cleenstar Shabong-ko Ichamati-o mande so•otanina potchipe police-rang rim•ahachim aro KSU-ni sakgipin membor Gary Mawlieh-koba Mawlai Mawroh-o mande so•otanina potchipenba police-rang rim•ahachim.
Indake ong•engon, Shabong-ko salsnina aro Mawlieh-ko sal 12-na police-rangni ning•o donchina gita District Court rai on•ataha.
Ia mande sakgniko rim•ani ja•man KSU-ni dilgiparang aro membor-rang, District Court mikkango tom•chimongenba, KSU-ni membor-rangna chakpaaniko on•angaha aro uamangko rim•angengmiting somoio police-rangni kosako chrik a•bokanirangkoba dakaha.
Ia a•selrangna KSU-ni membor-rangko rim•ahani gimin an•tangni suk ong•gijaniko parakatengon, mikkangchiba KSU-ni membor-rangko rim•angkua ong•ode uamang jingjengatanirangko dakanggen ine KSU-ni president Lambokstar Marngar, mikrakataniko on•angaha.
Na·simang ia video-koba nina man·gen:
Na·simang iakoba poraina man·gen: WKH a•jani education system-ko namdapatchina KSU mol•mola
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
