Shillong, Oct 18: Meghalaya a•doko game ge•e cha•enggipa manderangko dakchakna sorkarini ra•gatgipa FOCUS aro FOCUS+ program-chi a•doko game ge•e cha•giparang gong crore 500 tangkako man•gnok ine Mongolbar salo a•dokni Chief Minister Conrad K Sangma parakataha.
Another day at Nongstoin to extend financial assistance to farmers, women-led SHGs & youth organisations. Thousands in attendance today!
Under Meghalaya’s biggest welfare program for #farmers, ‘FOCUS’ we distributed ₹62.85 Lakhs to 1957 farmer producer groups @nstomar pic.twitter.com/jhWIepP3h0
— Conrad Sangma (@SangmaConrad) October 18, 2022
Chief Minister-ni parakatani gitade, game ge•e cha•enggipa manderang da•o bilsiprakon gong crore 500 tangkarangko man•gnok aro game ge•e cha•enggipa manderangna pangkamgipa janggi tangani cholko on•na gita sorkari, ia program minggnikon jako ra•angkuna miksongenga.
A•doko game ge•e cha•enggipa manderangni namgnina ia sorkari dingtang dingtang kamrangko a•bachengate on•aha ine janapatengon, game ge•e cha•enggiparangni namgnina ra•gatgipa program-rangoni dal•batsranggipa FOCUS aro FOCUS+ program-oniko lak 4.5-mangni gita manderang namgnirangko man•tokenga ine Chief Minister parakataha.
West Khasi Hills a•jani Nongstoin-o ua, sorkarini ra•gatgipa dingtang dingtang program-ni ning•o cheque-rangkoba producers group-rangna, self help group-rangna aro Yess program-ni ning•o chadambe dolrangna suale on•angjolaha.
FOCUS program-ni ning•o West Khasi Hills a•jani sak 1957 PG membor-rangna nokdang ge•prako gong 5000/- ka•e gimik gong 62,85,000-ko chamataha aro ia tangkarangoni skanggipa bako nokdang ge•prakna gong 1000/- ka•e on•enba, bangki gong 4000/-koba gnigipa bako on•angskagen.
Game ge•e cha•enggipa manderangna sorkarini ra•gatgipa dingtang dingtang program-rangni gimin janapatengon, game ge•e cha•enggipa manderangko dakchakna aro gama ge•ani kamrangko namdapatangkuna gita sorkari, Mission Mode program-rangna gong crore 700-na baten chamataha ine Chief Minister parakataha.
