Shillong, Oct 20: A·dokni skotong minster Pa Conrad K Sangma, Focus scheme-oniko tangka-paisa on·anirangko ra·chakanggipa manderangko, uamang baksa kamko ka·rimgipa manderangni gisepo dakchakgrikaniko on·na gita jakkalchina Bristibar salo agan-ku·pattiangaha.

Ra·chakgimin tangka-paisarangko da·o gama-ge·anirangko dakani kamrangko bariatna jakkalna man·gen aroba apsan ka·rimenggipa manderangni gisepo tangka-paisako baridapatani minggipin cholko dakskana man·gen ineba skotong minister aganangkuaha.

Uni aganani gita, tangka-paisako baridapatani cholko dakanichi aro ka·rimskarangni gisepo uandakgipa kamrangko ka·anichi uamangni gisepo bading-chiwalaniko aro gama-ge·ani kamrango man·gniko baridapatna gita man·gen.

Programo bakko ra·e aganengengon, focus plus-na bimingrangko segatna gita re·baenggipa November 30 tarikona kingkingan cholko man·gen aro December jani skanggipa antion tangka-paisakoba man·gnigiparangna watatgnok ine parakatan baksana, bimingko segatani somoio skanggipao man·gnigipa tangka gong 1000 ko on·anggen aro gnigipao man·gnigipa gong 4000-rangkoba December jaon on·gen ineba Pa Sangma janapatjolaha.