Shillong, March 30: Meghalaya Police-ni gitcham Assistant Inspector General (AIG) Gabriel K Iangrai-ni mingbri case-rangna Bristibar salo, East Khasi Hills a•jani District & Sessions Court, jaminko on•angaha.
Kobor on•timgiparangni u•iatani gitade, Iangrai-ni minggni case-na Budbar salo aro gipin minggni case-na Bristibar salo kachari jamin on•aha.
Shillong songjinmani Sadar Police Station-o National Emergency Response System (NERS) Public Safety Answering Point (PSAP) facility-ko rikna sorkarini chamatgipa tangka paisarangko jakkalsreta ine matnange, re•anggipa October 28 tariko saksa Darwin Sangma minggipa mandeni CID-na FIR ka•ani ja•man Iangrai-ko November 2 tariko rim•ahachim ine nikna man•a.
Iangrai-ni pilak case-rangnan kachari jaminko on•ahaoba uko basako pattokoniko watpilgen, uni giminde kobor on•timgiparang aganna gita man•skajaha.
Iakoba poraie nina man·gen: Assembly tom·ao kragija video-ko nianina, BJP MLA-ni kosako show cause notice-ko sokatnasia
