Jowai, Sep 30: October-ni 2 tariko Gandhi Jayanti-ko maniengani gimin ia salko maniani bak gita Sukrobar salo, District Administration, Jowai Municipal Board aro Tympang Iawmusiang jolni dilgiparang nangrimenba, Jowai-ni bazar anti cha•chakgipa biaprangko jinma rongtalatangaha.
Ia bilsio Gandhi Jayanti ba Mahatma Gandhi-ni atchiani salara Robibar salo ga•akani gimin ia salko maniani bak gita Sukrobar salon jinma rongtalataniko ong•atangaha aro ia rongtalatanio Iawmusiang-o songdongenggipa manderang, dokkan dakenggipa aro bading chiwale cha•enggiparang ato dingtang dingtang dolrangba bakko ra•angtokaha.
Ia jinma rongtalataniko West Jaintia Hills a•jani ADC PK Boro a•bachengate on•angaha aro ia salo manderang, CNI Market, Seinraij Market, Jowai Presbyterian Market aro samba jolo donggipa biaprangkoba rongtalatangaha.
