Tura, Jan 13: Sukrobar salo, Meghalaya a•dokni Chief Minister Conrad K Sangma, Agia-Medhipara-Phulbari-Tura (AMPT) ramako Systematic Maintenance-ni ning•o oprake on•angan baksana AMPT ramako man•chape Garobadha-Selsella-Balachanda ramakoba Intermediate Lane project-ona ra•doate on•angaha.
Inaugurated the upgraded Garobadha-Selsella-Balachanda Road including AMPT road to Intermediate Lane. The upgradation works will greatly ease the daily commute of the people especially those using the road for their economic activities. pic.twitter.com/eiN2WoJQBL
— Conrad Sangma (@SangmaConrad) January 13, 2023
Ia apsan salon ua, Greater Garobadha Water Supply Scheme-ni ning•o Water Treatment Plant-koba kulie on•angaha aro ia Garobadha Water Treatment Plant-ko kulianichi Garobadha jolo donggipa komibeoba dam 70 songrang namgnirangko man•gnok.
Garobadha aro Selsella jolrango ia mongsonggipa project-rangko jolni manderangna pakwate on•angengon, ia project-rangara songni nokni manderangna re•a doanirango bang•a namgniko ra•bagnok ine Chief Minister parakataha.
Garobadha-o water supply project-ko chalaianichi jolni manderang rongtalgipa ringani chirangko man•gnok ineba ua aganaha.
A•dokni dingtang dingtang biaprangona namroro silroroani kamrangko sokatna gita NPP sorkari, on•kange kamko ka•aha ineba Chief Minister parakataha.
External Aided Project-rangni bidingo opposition dolrangni tol•e jangbingbangatenggipani gimin talataniko on•angengon, External Aided Project-rangni ning•o on•atenggipa tangka paisarangara a•gilsakni dingtang dingtang bank-rangoniko man•baenggipa tangka paisarangsa ong•ani gimin ian India sorkarinade sudni tangka paisarang ong•a indiba ia tangka paisarangko a•dokna dakchakani gita on•atahaode ia tangka paisarangni bidingo a•dokde maming sko sana nangani dongjaha ine Chief Minister parakataha.
