Shillong, Nov 9: Garo Hills-o All India Trinamool Congress (AITC)-ni dilgiparang, an•tangtangkosa mesokna jotton ka•engani gimin inditana bilakgipa ong•kuja ine National People’s Party (NPP)-ni state president aro Rajya Sabha-ni MP Dr WR Kharlukhi parakataha.
Dr Kharlukhi-ni parakatani gitade, re•baenggipa 2023 bilsini Assembly election-o bang•bate seat-rangko chena gita NPP rakbee kamrangko ka•engaha.
Garo Hills-osan ong•aigija Meghalaya a•dok gimikon rakbee kamrangko ka•engaha ine janapatengon, seat-rangko chegopna man•na gitasa NPP, ia change tarisamsoenga ine NPP-ni state president parakataha.
AITC dolni campaign ka•anirango NPP-chi dilenggipa MDA sorkariko Mukul Sangma-ni matnangrongengani gimin sing•on, uamang opposition dol ong•ani gimin sorkariko matnanganide uamangni kaman ong•a indiba uamang NPP-ko manderang baksa dubiatna man•ama man•ja ukosa nina nanggen ine Kharlukhi aganaha.
Da•o dipet Garo Hills-o AITC-ni sakdok MLA-rang dongkuengpitichim.
