Guwahati, Mar 11: University of Science and Technology Meghalaya (USTM)-ni Chancellor Mahbubul Hoque-ni kosako Patharkandi Police-ni segatgimin gnigipa case-ni bidingo bail on·china mol·molaniko Gauhati High Court, bail on·ani bidingo mamingkoba tik ka·kuja aro Budbar salo kakketgipa bichalko ka·e jinmana u·iatanggen ine parakataha.
Indake ong·engani gisepo, Hoque-ni kosako Kokrajhar a·jani Gossaingaon Police-ni gital segatgipa case-o pangchake uko rim·aniko Gauhati High Court champengataha.
Batanggimin February 22 tariko, Patharkandi-o donggipa Central Public School-o klas 12-ni CBSE Physics porikkako seanio dakchakaniko on·gen ine ku·rachake porikkani somoio dakchakaniko on·jaha aro adita chatro chatrirangoniko ku·mitdu ra·aha ine matnange badi ka·doahanina USTM-ni Chancellor Mahbubul Hoque-ko rim·aha.
Indake iano segatgimin mokordomani bidingo bail ra·na jotton ka·engani gisepon, Chancellor aro gipin sakbonga manderangni kosako, Lilawati Basumatary minggipa me·chikma saksa, uni demechikgipana Vision 50 Program-ni ning·o porikka seanio nambatgipa mark-rangko man·a dakchakaniko on·gen ine cha·bokahanina Gossaingaon police station-o badi ka·doangaha aro iani bidingo Chancellor Mahbubul Hoque-ni kosako gittamgipa mokordomako segataha. Indake ong·genchimoba ia mamlao pangchake Hoque-ko rim·taijachina Court-oni ge·etaniko on·ataha.
Na·simang ia video-koba nina man·gen:
Na·simang iakoba poraina man·gen: Salgro-Salaram a·dokoni Kaji Nemu aro Khasi Mandarin namen mingsingbeenga.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
