Tura,March 11: Re.baenggipa April 12 tariko ong.atenggipa Garo Hills Autonomous Distrct Council (GHADC) eleksino susana am.enggipa West Garo Hills a.jani dingtangdingtang elakarango susaenggipa dingtangdingtang political dolni candidate-rang aro Independent candidate-rang da.al Bristibar salo an.tangtangni Nomination lekkarangko gapate West Garo Hills a.jao kam ka.enggipa Migistrate-rangni mikkango ku.mikchete an.tangtangni lekkarangko on.atangtokaha.
Indake da.al nomination file ka.ani gnigipa salo Rochonpara elakao susaenggipa NPP candidate Pa Dipul R.Marak, Batabari elakani NPP candidate Pa Roynath D.Sangma,Dengnapara elakani NPP candidate Pa Sanjip T.Sangma,Babelapara elakani NPP candidate Pa Rakesh A.Sangma, Amongpara elakani GNC candidate Pa Menthu M.Marak,Tura elakani Independent candidate Pa Grithalson N.Arengh,Jengjal elakani Independent candidate Pa Jumon B.Marak,Asanang elakani Independent candidate Pa Ningan Marak,Amongpara elakani NCP candidate Pa Dalseng Bira Ch. Momin, Rochonpara elakani Independent candidate Pa Arbinstone B.Marak,Balachanda elakani Independent candidate Pa Sole Ahmed, Raksamgre elakani Independent candidate Pa Sotinson B.Marak,Raksamgre elakani Independent candidate Pa Medison Marak, Shyamnagar elakani Independent candidate Pa Jahangir Rahman Sarkar aro gipin candidate-rang da.al March 11 tarik Bristibar salni bako an.tangtangni nomination lekkarangko on.angtokaha.
