Shillong, April 17: Garo Hills Autonomous District Council (GHADC)-ni gital executive committee (EC)-ko rikna gita Sonibar salo, gital seokako man·gipa sak 15 MDC-rang baksa Meghalaya a·dokni Chief Minister Conrad K Sangma, a·dokni Governor Satya Pal Malik-ko grongeaha.

GHADC-ni sak 15 MDC-rang, gital EC-ko chalaina gita Garo Hills Democratic Coalition (GHDC) ine bimingko donaha.

Ia GHDC-ni sak 15 MDC-rangara, NPP-ni sak 11, sak 3 Independent aro GNC-ni saksa ong·a.

Koborko on·ani gitade, ia gital EC-o chairman-ni kamko Rakesh A Sangma, chief executive membor-ni kamko Benedic Marak aro deputy CEM-ni kamko GNC-ni saksakamkam MDC Nikman Marak jako ra·anggen.

Chairman-ko seokna gita election-ko Sombar salo ong·atanggen.