Shillong, Nov 28: Garo Hills Autonomous District Council (GHADC)-ni gitcham chief executive membor (CEM) Dipul R Marak baksana gitcham MDC, adita sak ukilrang aro kamoni neng•takgimin sorkari official-rang, Sombar salo, Bharatiya Janata Party (BJP)-o napangaha.

Ia dilgiparangko, BJP-ni national secretary Rituraj Sinha, BJP-ni office-o rimchaksoaha aro uamangko rimchaksona tom•aniko ong•atanio BJP-ni national vice president aro Meghalaya a•dokni in-charge M Chuba Ao baksana BJP-ni MLA AL Hek, Meghalaya BJP-ni state president Ernest Mawrie aro gipin dilgiparangba dongpae bak ra•angaha.

GHADC-ni gitcham CEM baksa BJP-o napanggipa gipin manderangara, gitcham MDC Sukharam K Sangma, senior advocate VGK Kynta aro gipinrang ong•achim.