Tura, Nov 30: Garo Hills Autonomous District Council (GHADC)-ni ia bilsini bon·kamgipa tom·aniko salgnina ong·atanggipao, gipin nangchongmotgipa chanchigrikanirangko dakanga baksana GHADC-na dingtang electoral roll-ko nangchongmotengani giminba agan-chanchigrikangachi Mongolbar salo tom·aniko matchotataha.
GHADC-na dingtang electoral roll-ko nangengani bidingo house-o warachakgipa Trinamool Congress-ni memborrangni motion-ko ra·bagipana, GHADC-ko NPP baksa bakrime rikenggiparang, dingtang electoral roll-ko ra·gatna gita dingtang dingtang nanganirang baksana kam ka·na nanggnirangko janapangenba uamangna aganchakaniko on·angaha ine koborna u·iataha.
Changgipin financial year-na skang bangki bilsina, council-ni budget chamani bidingoba CEM Pa Albinush Marak, house-o chanchirimaniona ra·baaha jekon memborrang voice vote-rangko on·achi ra·chakangaha.
GHADC-ni salgnina tom·anio, MDC-rangna Members Hostel-ko rikata matchotkujaengani gimin warachakgipa Trinamool-ni MDC-rang sing·doanga baksana tourism-chi Garo Hills-na kajinarangko ong·katatani bidingoba house-o naatjolaha.
