Tura, March 13: Garo Hills Autonomous District Council (GHADC)na mikkang April 12 tariko pu·onatnasigipao dingtang dingtang dolo susaenggipa sak 13 candidate-rang an·tangtangni nomination lekkarangko Returning Officer-rangni jako Sonibar salo on·angtokaha.
Salni bako nomination lekkarangko on·anggipa candidate-ranga — Batabari elakani INC candidate Pa Ashahel D. Shira, Jengjal elakani NPP candidate Pa Gramhambell A. Sangma, Asanang elakani NPP candidate Pa Anseng A. Sangma, Amongpara elakani Independent candidate Pa Balsrang Arengh, Asanang elakani Independent candidate Pa Chikku M. Sangma, Jengjal elakani Independent candidate Pa Bredar B. Marak, Naguapara elakani BJP candidate Pa Ronjit Rabha, Tura elakani Independent candidate Pa Mathew Ch. Momin, Balachanda elakani Independent candidate Pa Islam Hoque Choudhury aro gipin candidate-rang West Garo Hills a·jani dam 13 elakarango susana gita nomination lekkarangko on·angaha.
Apsandake, South West Garo Hills a·jao sak 7 candidate-rang GHADC eleksino susana gita an·tangtangni nomination lekkarangko on·angaha.
