Shillong, Dec 11: An·tangko ‘gisikni gita tik ong·gijagipa’ ine aganahani gimin Meghalaya a·dokni Deputy Chief Minister Prestone Tynsong-ni kosako All India Trinamool Congress (AITC)-ni national spokesperson Saket Gokhale, ijahar ka·doangaha.

Tynsong-ni kosako Gokhale, Sonibar salo, East Khasi Hills a·jani SP Sylverster Nongtnger-na ijahar ka·doangaha.

Iani bidingo ta·raken mokordomako segatchina East Khasi Hills a·jani SP-ko didiatengon, December-ni 6 tariko Meghalaya a·dokni Deputy Chief Minister Prestone Tynsong, uko gisikni gita tik ong·gijagipa ine ‘press’-ni mikkango matnangaha aro iako Meghalaya a·dokosan ong·aigija a·songni bang·a songbadrangon gatahani gimin ian uni bimingko ong·siatani gita ong·aha ine AITC-ni national spokesperson Saket Gokhale parakataha.