25.3 C
Tura
spot_img

Gital Farm Law-ni bidingo agan-talate on·na PM ku·rachaka

Must read

New Delhi, Dec 18: Ru·uta somoirangonin dingtang dingtang political dolrang, u·i-ma·sigipa manderang aro game ge·e cha·enggipa manderangnaba gital farm law-rangko ra·gatchina dabiengahachim ine Sukrobar salo, India a·songni Prime Minister Narendra Modi parakatenba, game ge·e cha·enggiparangni neng·nikanirangko namatna gita ma·mong sorkari agangrikna kusi ong·aigen ine ku·rachakaniko on·angaha.

Game ge·e man·enggipa bosturangna dongimin Minimum Support Price (MSP)-de skango gitan dongangkuaigen ineba Modi, game ge·e cha·giparangna ku·rachakaniko on·angaha.
Sukrobar salni bako Madhya Pradesh a·dokni game ge·e cha·giparangna internet gita aganprakatengon, iandakgipa niamrangko opposition dolrang an·tangtangan ra·gatna nangniktokengachim indiba da·o uamang iana uko rasong man·atna sikjaesa jegaltokenga ine Prime Minister parakataha.

“Ia sorkari, game ge·e cha·giparang baksa salo konta 24-ba agangrikna man·aigen indiba ia pilakan opposition dolrangni game ge·e cha·enggiparangko dilsretna jotton ka·anisan ong·enga,” ine Modi aganaha.

Ia gital Farm Laws-ko jegale game ge·e cha·enggiparangni jingjengatani sal 23 gapengahachim ine nikna man·a.

“Ia Farm Law-rangna opposition dolrang an·tangtangan rasongko ra·na man·aigen indiba iandake tol·e game ge·e cha·enggiparangna ma·sisretataniko on·na nangja,” ine Prime Minister aganenba, game ge·e cha·enggiparangni gisepo maiba ma·sina nanganirang donggenchimoba ua talate on·na kusi ong·gen ine parakataha.

spot_img

More articles

spot_img
-->

Latest article