Shillong, Mar 6: Meghalaya a•dokni gital Secretariat-ko Shillong songjinmani Mawpat jolo rikgen ine Sombar salo, a•dokni Chief Minister Conrad K Sangma parakataha.
Sangma-ni parakatani gitade, gital Secretariat-ko rikna gita batanggimin somoirangon sorkari, biaprangko tik ka•manaha aro da•o iana master plan-rangkoba tariengaha.
Shillong songjinmao gari gorarangni apchangket ong•dugaenganiko namatna gita sorkari, Barik point-oni dolongrangko rikna miksongengahani gimin da•o mikkang bilsi bongani gisepon Shillong songjinmao gari gorarangni apchangket ong•aniko bewalde namatna man•gnok ineba Chief Minister, an•tangni ka•dongchakenganiko parakataha.
Garirangni apchangket ong•aniko komiatna gita Shillong songjinmao sorkari, parking lot-rangko taridapna miksongenga ineba ua parakataha.
