Shillong, Sep 13: Tura-ni golf kal•na changbegipa Johnwell Gabil Momin, National Golf Academy of India (NGAI)-oniko ‘D’ Certificate-ko man•e da•o Meghalaya a•doko certificate-ko man•chenggipa professional golf coach ong•na man•aha.
Ia chu•sokaniko man•ani bidingo Hub News baksa agangrikengon, an•tangni certificate-na krengengmiting somoio una pilak nanga dakchakanirangko on•gipa sakantinan Momin, mittelpilaniko parakataha.
NGAI-o Meghalaya a•dokoni graduate ong•chenggipa certified professional golf coach ong•na man•ahani gimin an•tangni kusi ong•aniko parakatengon, Tura Golf Association aro Shillong Club-ni membor-rangkoba an•tangna dakchakanirangko aro ka•dongatanirangko on•ahani gimin Momin mittelpilataha.
Momin-ni ia certificate-ko man•aniara una altua kam ong•jaha maina ia re•anggipa May jao porikkako seenba August jao, Haryana a•dokni Manesar-o donggipa Classic Golf & Country Club-o Playing Ability Test-koba ra•na nangaha. Adita salrangna skangmangmangsan ua Kolkata-o India-ni mingsinggipa golf coach Indrajit Bhalotia-ni ning•o golf skie ra•anikoba matchotaha.
Mikkangchi an•tangni chu•sokatna niksamsoenggipa kamrangni gimin janapatskaengon, ua Meghalaya aro salgro salaram jolrangoniko golf kal•na changgipa sapgipa manderangko ong•katatna miksongenga ine Momin parakataha.
Da•o ua an•tangni golf academy-ko kulienba, salgro salaram jol gimikon uni skie on•aniko gipatna miksongenga ineba Momin aganaha.
An•tangni chu•sokgipa ong•anina ua Nokgipa Isol baksana an•tangni jikgipa aro demechikgipakoba mittelpilangaha.
Na·simang ia video-koba nina man·gen:
Na·simang iakoba poraina man·gen: Indian Army, Manipur Police,CRPF aro BSF dolrangni nangrime am•sandianio silchidare aro guli barutrangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
