Shillong, March 23: 2023-2024 bilsina Gross State Domestic Product (GSDP)-ni 3.42 percent ong·gipa gimik gong crore 1592-ni deficit budget-ko Bristibar salo, a·dokni Chief Minister Conrad K Sangma, Assembly-ni budget session-o parakataha.
Chief Minister-ni parakatani gitade, chu·gimik receipt-rangara gong crore 21,781 ong·enga aro ianoni gong crore 19,414-de revenue receipt aro gong crore 2,366-de capital receipt ong·enga.
Gro donggipa gong crore 2339-ko changale total receipt-ko gong crore 19,442-na hisapaha ine talataniko on·angengon, total expenditure-na gong crore 22,022-ko hisapenga aro ianoni gong crore 17,186-kode revenue expenditure-na aro gong crore 4,836-kode capital expenditure-na hisapenga ine Chief Minister parakataha.
Chief Minister-ni aganani gitade, crore 988-ni loan payment-ko changale total expenditure-na gong crore 21,034-ko hisapenga.
2023-24 bilsina interest payment-ko gong crore 1,169-na aro pension payment-ko gong kror 1,794-na hisapenga ineba ua aganaha.
Ia bilsini budget-ko ua ‘manderangni budget’ ineba parakataha.
2032 bilsio Meghalaya a·dokni bilsi 75 gapaniko maniani somoio India a·songo nambatsranggipa dam 10 a·dokrangoni damsa ong·atgen ineba Sangma, ku·rachakaniko on·angtaiaha.
2018 bilsioni 2023 bilsiona sajinmarangni a·sel name kamrangko ka·na man·jahaoba ia bilsirango a·dokni dal·roroani 6.75 percent ong·aha ineba Chief Minister parakataha.
Iakoba poraie nina man·gen: Pohkseh Water Supply Scheme, June jaon matchotnasienga: PHE Minsiter
