Guwahati, Apr 24: Guwahati Municipal Corporation (GMC)-ni election-ko ong·atanio BJP-ni dilanichi bakrimenggipa dolrang, gimik dam 60 seat-rangoniko dam 58-ko cherikna man·aha.
Robibar salo, Assam State Election Commission-ni result-rangko parakatani gitade, skango BJP candidate-rangni chee dongsoenggipa ward damgittamko man·chape BJP dol, dam 52 ward-rangko chena man·aha aro ia election-o Asom Gana Parishad (AGP) dolba dam 7 seat-rango susae seat damdokko cherikna man·aha.
Ia chang GMC election-o Aam Aadmi Party (AAP) aro Asom Jatiya Parishad (AJP) dolrangba seat damprakko cherikna man·skaaha.
GMC election-ko bilsiskuni ja·man ong·attaiahachim aro ia election-o Assam-o opposition ong·enggipa Congress dolde seat damsakoba cherikna man·skajaha. Ia election-o Congress dol, ward dam 54-o susaangahachim.
Congress baksa opposition-o bakrimenggipa CPI-M dolba seat dambrio susae, seat damsakoba cherikna man·jaha.
GMC election-o chu·sokgipa ong·na man·ahani gimin a·songni Prime Minister Narendra Modi, Union Home Minister Amit Shah, BJP-ni president JP Nadda, Assam-ni Chief Minister Himanta Biswa Sarma aro gipin dilgiparangba, Guwahati songjinmani manderangko mittelpilataha.
