Shillong, April 7: Azadi Ka Amrit Mahotsav-ni bak gita April 7 tariko Special Olympics Bharat (SOB) dol gisikni gita sokdogijagipa manderangna Health Fest-ko Don Bosco Hall Laitumkhrah Shillongo ong·atangaha.
National Health Fest For Divyangjan-We Care Programo minggittam been ni bakrangko kal·susagipa dolrangko porika ka·e niaha. Uarangra, Wagam, Mikkron aro cha·ani ringani bewalrang. Meghalaya a·dok gimiko gisikni gita sokdogijagiparang sak hajal 44-na baten donga. Ia Health Fest-o ming 21 dingtang dingtang porika ka·e niani cholkoba ua somoio on·aha. Iako a·bachengatanichi kal·susaanio changa sapani gadango bate dakna skie on·aniko aro sanna bannani a·jao mongsongbate be·enni aro gisikni gita bilgrigiparangna nambata simsakaniko on·a ja·ku de·aniba ong·enga.
