Shillong, March 9: Batanggimin salo Khasi Hills Autonomous District Council-ni executive committee-ni jinma namnike mingako man·gipa Paim Ainam Manik Syiem-ko Hima Mylliem-ni gital Syiem-na seokanganiko Hima Mylliem Bristibar salo parakataha.
KHADC-ni CEM, Pa Titosstarwell Chyne-ni uko gital Syiem-na seokangani ja·man March 9 tarik, chong·motan Bristibar salo Syiem-ni chu·gimik bilko Ainam Manik-na pakwatangenba Syiem-ni mukutko stikataha.
Mukut stikatako man·giparangoni 13-gipa Syiem ong·enggipa, Ainam Manik Syiem-na chu·gimik bilko pakwate on·angmiting somoio, KHADC-ni executive memborrang, gital Syiem-ni nokdangni manderang, ministerrang, Hima Mylliem-ni dilgiparang, gittim ba songni nokmarang aro Federation of Khasi States-ni manderang gimikan dongpatokaha.
