Dibrugarh, Jan 11: Ja 10 ong•kuenggipa bi•sa saksa Human Metapneumovirus (HMPV) sabisiko man•aha aro uko Assam Medical College and Hospital (AMCH)-o admit ka•aha.
AMCH-ni Superintendent, Dhrubajyoti Bhuyan-ni aganani gitade, ia bi•sako salbrina skangsan ramram gusu soldi man•ani gimin AMCH-o admit ka•aha aro Sukrobar salni bako, Lahowal ICMR-RMRC-o porikka ka•e nianio ua ia virus-ko man•anichi saenga ine u•ina man•aha. Ian ramram virus ong•a aro 2014 bilsionin iandakgipa sabisiko ICMR-ona watate porikka ka•e nianiko dakenga, unbaksanaba ia virus-ko bilsi 5-ni gisepo ong•gipa bi•sarang man•ronga, indake da•o ia bi•sani janggina maming kenchakani dongjaha ineba Bhuyan aganaha.
Ia virus-ko bak 2 dake chong•motan A aro B dake u•ina man•a, jekon A1, A2, B2 dake suala aro unonikoba A2a, A2b aro A2c dake sulangkua.
JIPMER-Poducherry-oni sandirikitaniko dakanio, ia Human Metapneumovirus (HMPV)-ara bi•sarangni rang•sitanio neng•nikaniko ong•atgipa virus ong•a aro ian ru•uta bilsirangnan India a•songo dongkugijagipa sabisi ong•achim, indiba ian ong•katatgipa virus ong•a ine u•ina man•aha.
Na·simang ia video-koba nina man·gen:
Na·simang iakoba poraina man·gen: Shillong-ni JN Stadium-o skanggipa changna International Football match-ko sokachakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
