Shillong, Aug 27: Re·anggipa August-ni 13 tariko Hynniewtrep National Liberation Council (HNLC) bobil dolni gitcham general secretary Cheristerfield Thangkhiew-ko uni nokona re·ange police-rangni so·otgalaniko jegalna gita Sukrobar salo, ‘Ka Sur Ki Nong Mawlai’ ba Mawlai-o songdongenggiparangni ku·rang dolni gita ‘signature campaign’-ko ba jinma soi ka·grimaniko ong·atangaha aro ia ‘signature campaign’-ko ong·atanio so·otako man·gipa Cheristerfield sagini nokdangba bakko ra·angaha.
HNLC-ni gitcham dilgipako so·otanina jegale Mawlai jolo songdongenggipa manderang, a·dokni Director General of Police (DGP) R Chandranathan, East Jaintia Hills a·jani SP Jagpal Singh Dhanoa aro SP (Traffic) Shailendra Bamaniya-ko kam ra·galchina dabie, Sukrobar salo Mawlai bus stop-o jinma soi ka·grime jingjengatangaha.
Jinma soi ka·grime jingjengatanio so·otgalako man·gipa HNLC-ni gitcham general secretary Cheristerfield Thangkhiew-ni jonggipa Granary Starfield Thangkhiew-ba bako ra·e skanggipa soiko ka·chengdilaha.
Mawlai bus stop-o signature campaign-ko ong·atani ja·man attamo dingtangmancha candle light vigil ba jinma mombati so·e tom·anikoba ong·atangaha.
