Mairang, Feb 28: Ia bilsio skanggipa changna Hynniewtrep Association-ni gita ‘Hynniewtrep Idol’-ko Eastern West Khasi Hills a•jani Mairang kal•chakramo ong•atangaha aro ia ‘Hynniewtrep Idol’ season-1-ko Daphilakhamti Mary Pyngrope cheaha.

Hynniewtrep Idol-ko chee Pyngrope, gong 20,000/- tangkako boksis dake man•aha aro gnigipa biapko Karvinroy Kharmawphlang cheangskaenba, gong 15,000/- tangkako boksis dake man•angskaaha. Gittamgipa biapko Dio Medy Kharmawphlang man•rikskaaha aro ua gong 10,000/- tangkako boksis dake man•skaaha. Ia program-ko ong•atgipa Hynniewtrep Association-na, dingtangmancha gong lak gnini cheque-ko Mawthadraishan Congress Committee on•gilataha.