Shillong, Mar 15: Budbar salo, Meghalaya Sarva Shiksha Abhiyan School Association (MSSASA)-ni membor-rang, Meghalaya a•dokni Deputy Chief Minister Prestone Tynsong aro Education Minister Rakkam A Sangma-ko grongenba, ia 2023-24 bilsini state budget-o SSA skigiparangna tangka chamaniko bariatchina didiangaha.
MSSASA-ni president Aristotle Rymbai-ni kobor ra•timgiparangna parakatani gitade, uamangni Deputy CM aro Education Minister-ko gronge agangrikani chu•sokgipa ong•aha aro uamangni batanggimin bilsio sorkario dabianggipa pilak kamrangkon ia gital sorkari chu•sokatgen ine skigiparang ka•dongenga.
SSA skulrango bangbang ong•e dongenggipa skigiparangni kamko gapatchina, dormaharangko SSA skigiparangni account-o chipatchina, Meghalaya State Education Commission-ni chairman-ko songchina aro 2023-24 bilsini state budget-o SSA skigiparangna tangka chamaniko bariatchina gita MSSASA, a•dok sorkario dabiengaha ineba Rymbai parakataha.
