24.6 C
Tura
spot_img

Iceland-o ong•atna sienggipa International Film Festival-ona Tura-ni film director-ko okama

Must read

Tura, June 13: Garo hills-o jawilwat tarianirangko ra•doani aro dingtangmancha ia jolo jawilwat tarina sapaniko ra•chakani gita, Tura-ni jawilwat tarina sapbegipa me•chik producer aro director Supriya Prasad Rauniar-ko Iceland-o October 1 tarikoni 5 tarikona ong•atangna sienggipa chang 21-gipa Reykjavik International Film Festival annual Talent Hunt-o bak ra•na okamako man•aha.

Advertisement

Reykjavik International Film Festival-ko ong•atenggipani, Supriya-na watatgipa chittini gimin koborko man•soenba, Garo jawilwat-ni director Dominic Megam Sangma, pilak manderangko apsan ku•mongenba Supriya-ko ia manianiona sokatna gita dakchakaniko on•pachina didianiko dakataha, maina ian chol pangna sokbagipa ong•pajachim.

Talent lab, jekon namen mingsinggipa aro mande ra•ako man•gipa program-rang jekai Berlinale Talents aro Locarno Filmmakers Academy-ni jaman tarigipa ong•achim, ian nadobaenggipa jawilwatni director-rangna skie ra•ani, dingtang dingtang a•songrangni manderang baksa u•igrikani chol aro jawilwat tariani a•bao changgipa sapgipa baksa apsan bakrimna gita cholko on•gipa biap ong•a, inenba Society of A•chik Film and Entertainment (S.A.F.E)-ni President ong•e, dol gimikni palo Dominic Sangma see u•iataha.

Advertisement

Ia cholko ra•e, Supriya, uni tarigipa “The Honeybee Girl” ingipa jawilwat-ko director aro producer ong•e mesokna cholkoba man•gnok.

“Ia gamchatbegipa program-o pangna bilsian, a•gilsakni jawilwat tarigiparangoniko nambatsranggipa sak 20 director-rangkosan iano okamako man•rongaia. Battanggimin bilsirango, ianona okamako man•gipa namen mingsinggipa jawilwat tarigiparangoni Luca Guadagnino, Jim Jarmusch, Bela Tarr, Darren Aronofsky aro gipinrang ong•achim,” ine Dominic Sangma aganangaha.

Ia Talent Lab-o bak ra•na mangmangan lakh 1 mangni gita koros ong•an baksana, bilangani koros aro visa-na korosban uan lakh 1 mangde nangaigen.

Advertisement

Supriya Prasad, ian Pune-o Film & Television Institute of India, mingsinggipa jawilwat taripagiparangoni saksa ong•paa. Uni tarigimin, “Portrait of a Willow Woman,” minggipa jawilwat-ko Melbourne, TSAFF, US, Stuttgart, Cincinnati aro gipin gipin biaprango mesokna man•enba, a•gilsak gimikon namnikako man•paaha. Uasan ong•aigija, exhibition-ni bak gita, “The 8 Sister’s Meet : Celebrating North East India” jawilwatko London-ni Nehru Centre-oba mesokaniko dakangaha.

Na·simang ia video-koba nina man·gen: 

Na·simang iakoba poraina man·gen: Ku•mitchetani salgipinon Krishna Kumari Rai MLA-ni kamko watgala

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article