Shillong, Apr 20: Indian Institute of Management (IIM) Shillong-oni ia bilsi graduate ong·anggipa sak 268 chatro chatrirangna degree-rangko on·na gita Budbar salo dingtangmancha convocation ba tom·bimonganiko Shillong songjinmani Umsawli-o donggipa IIM Shillong-ni gital campus-o ong·atangaha aro ia tom·anio Narayana Health-ni Founder aro Chairman Dr Devi Prasad Devi, mongsonggipa sokgipa ong·e bakko ra·angenba, chatro chatrirangna namgipa skaniko on·angaha.
IIM Shillong-ba India a·songo mingnambatsranggipa institute-rangoni damsa ong·a ine janapatengon, ia mingnamgipa institute-oni graduate ong·angahani gimin ua chatro chatrirangna an·tangni kusi ong·chakaniko parakangaha.
Ia tom·bimonganiko ong·atanio chatro chatrirangna aganprakanggipa gipin manderangara, Board of Governors-ni Chairman Shishir Kumar Bajoria, IIM Shillong-ni Director, Prof DP Goyal aro gipinrang ong·a.
Ia convocation-ko ong·atanio sak 268 chatro chatrirangna agreba sakgni chatro chatrirangna PhD degree-ko on·angskaaha.
