Shillong, May 1: A•song ge•gnini gisepgriko meli nangrime donganiko aro chelchakaniko bilakbatatna gita, India-ni Border Security Force (BSF) dolrang aro Bangladesh-ni Border Guard Bangladesh (BGB) dolrang baksa sector commander-level tom•aniko, South West Khasi Hills-ni Gumaghat border outpost-o ong•atangaha.
India-oni, Shillong Sector HQ-ni Deputy Inspector General Manoj Kumar Barnwal, mikkangchakgipa a•song Bangladesh-oni Sylhet Sector Commander BGB Deputy Director General Md Saiful Islam Chowdhury-ko grongangaha. Ia tom•aniko ong•atani miksonganiara, ma•manti sima ari-o ong•enggipa obostarangni bidingo chanchirimani aro a•song ge•gnini melie nangrime sima ari-ko nirokenganiko bilakbatatanin ong•achim.
Battanggimin sal somoirango India aro Bangladesh-ni gisepo ku•mong meli nangrimgrikani gimin chanchipilatenba, dolgnian orto gnanggipa aro ra•rika grian ia tom•anio agangolpogrikaniko dakangaha. Ia dilgiparang a•song ge•gninan namgniko ra•baanina tarigimin niamrangko ra•gatna tom•anio chanchianirangko tarake a•bachengatna ku•mongangaha. Indakgipa tom•bimonganio chu•sokaniko man•anira a•song ge•gni ku•mong melie nirokenggipa sima ari-rango tom•tom ong•aniko kam ka•aniko me•soka. Sima ari-ni nengnikanirangko u•iatna gita, India aro Bangladesh, biaptangtango tom•tomaniko aro sima ari jolrango donggipa biaprango donggipa manderangni janggi tanganiko tangdobatatna kam ka•anirangko me•soka. BSF aro BGB dolrang, uamangni ku•mong nangrime kam ka•aniko dakangkuna ka•dongsoengan baksana Indo-Bangla sima ari-ko nirok simsakaniko namdapatna gita tom•aniko ong•atjringna gitaba tik ka•angaha.
Noksul a•song ong•an baksanaba, apsan itihas aro jatni dakbewal rikbewal-rangko ripingani apsan ong•an baksana, India aro Bangladesh a•songrang a•songtangtangni namgnina kam ka•anirangko bilakbatatna bang•en kamrangko ka•angaha. Ia ong•atanggipa tom•aniara a•song ge•gnini gisepgriko apsan kam ka•anirangni tang•dororoaniko sakki on•an baksana uamang dolgnini sima ari-o chelchakani aro tom•tom ong•aniko rakkina jotton ka•anirangko me•soka.
Na·simang ia video-koba nina man·gen:
Na·simang iakoba poraina man·gen: Volunteer-rang aro silchidarerangko Army-rangni rim·angmitingo songni me·chikrang jinma champengrika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
