Agartala, April 10: India-ni port aro airport-rang gita Bangladesh-ni bosturangko gipin a·songrangona watatna dingtangmancha on·gipa bilko, 2025 bilsini April 9 tariko India a·song ra·galpilaha, aro iani a·sel Bangladesh a·songo, mongsongbate uamangni gamchatbegipa bara chola sikani karkanarangna namen jajrenganiko sokbaataha. Indian Foreign Ministry-ni agantimgipa Randir Jaiswal-ni aganani gitade, India-ni port-rango aro airport-rango agrepile bosturang gapketani a·sel jadonggaatanirangko man·ani gimin iako dakna tik ka·angaha.
Ia dingtangatanichi, Bangladesh-oniko India gita Nepal aro Bhutan-ona ra·anganide nangchakeako man·ejawa ine Jaiswal u·iatangaha. Iani gisepon, Bangladesh a·songo bangpagija jatrangni kosako sinjetanirangko on·ani gimin jajrenganiko parakatengon, Teesta Water Treaty-ni bidingo ru·utani gimin janapatenba, Bangladesh sorkariko iani bidngo ja·ku de·aniko dakchina gitaba ua didiataha.
Bangladesh-ni Chief Advisor, Muhammad Yunus, India-ni Salgro Salaram jolo donggipa a·dokrang sagalrangona sokna Bangladesh-ko nanga ine agana jaman bakan ia dingtangataniko dakna tik ka·angaha. China, Bangladesh-ko bading chiwalanina jakkalna gita man·gen inerangba ua aganangkuaha. Ia kattarangni a·selan India a·songba Bangladesh-ni bosturangko India-ni port aro airport-rang gita watna dingtangmancha on·gimin bilko ra·galna chanchianirangko dakna didiatako man·ahakon ine chanchichipenga.
2024 bilsini July jao, Bangladesh-ni sak 13 member-rang, Ministry of Shipping-oni S. M. Mostafa Kamal-ni dilanio, a·song damgnini gisepgriko ku·rachakgrikani ning·o a·song gipinrangona India-ni port-rangko jakkale bosturangko watatna agangolpogrikaniko dakna India-ona re·baaha.
India-ni export group FIEO-ni skotong, Ajay Sahai, India-ni bosturangko dona gita bang·bata biaprangko man·gnok inenba ia dingtangatanina chakpaaniko on·ataha. AEPC ingipa dolgipinba, iarangni a·selan India-ni bosturangko gipin a·songrangona watani damrangko tangdobatatenga inenba ia dingtangataniko namnikpae ra·chakangaha.
Bangladesh Garment Association (BGMEA)-ni gitcham padot Faruque Hassan, ia dingtangataniko ra·baaniara, Bangladesh clothing export ba ba·ra kancharangko gipin a·songrangona watanio namen neng·nikaniko ra·bagen maina ian a·songna tangka paisani gita tangdoaniko ra·banio mongsonggipa ong·a ine ua aganangaha.
Bangladesh-ni Commerce Advisor, Sheikh Bashir Uddin, uamang bosturangko watatna gita gipin ramarang jekai Sylhet aro Dhaka airport-rangko sandiengachim. Exporter-rangni aganani gitade, Dhaka-oni Europe-ona ba·ra kancharangko watata ong·ode kg prako $ 3 dake ra·a, indiba Delhi gita watatgenchim ong·ode kg prako $1.20 dakesan ong·aiachim. Bangladesh-ni bosturangko Delhi airport gita 1,000 ba 1,500 tonne-rangni gita jantin watrongbaenga.
Dhaka-ni World Bank Economist gitcham, Zahid Hussain, India-ni dingtangatna tik ka·aniko “rasong gri ong·ani aro nangchongmotgijagipa” ine aganengon, ian bading chiwalgrikanirangko nangchakeatnaba donga ine mikrakataniko ua on·angaha. RAPID-ni padot, Mohammad Abdur Razzaque, BIMSTEC Summit-ko ong·ata jaman, India-ni ia dingtanganiko dakaniara jolo apsan dongrimgiparangni gisiko nange apsan ku·mong nangrime kam ka·anina chakpaaniko ong·gijani ong·a ine janapataha.
Na·simang ia video-koba nina man·gen:
Na·simang iakoba poraina man·gen: New Shillong-o ‘Addict Treatment Facility’-ko kuligen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
