Williamnagar, May 18: Adita salrangna skang, Uttar Pradesh a•dokni Noida songjinmao Dreamz Production-ni ong•atanggipa Indian Super Model-na susaanio, Williamnagar-oni chadambe saksa Justine Areng-ba bakko ra•e chegipa ong•baaha.
Koborko on•ani gitade, ia Indian Super Model-na susaanio ua chegipa ong•an baksana Mr X-Factor award ba boksiskoba man•baaha.
An•tangni chegipa ong•ahani gimin kusi ong•aniko parakatengon, ian Meghalaya a•dokna aro mongsongbate A•chik a•songna rasong ong•china ine Justine parakataha.
India Super Model 2023-na susaanio Tura-ni me•tra saksa Nasa Rianchi Ch Marak-ba, ‘Best Miss Personality’ award-ko chebaahachim ine nikna man•a.
