Shillong, May 9: Meghalaya a•doko industry aro bading chiwalani kamrangko mangrakbatatna gita Joint Consultative Industry Forum (JCIF)-ko songna a•doko donggipa dingtang dingtang industry-rang baksa tom•gen ine Mongolbar salo, Meghalaya Industrial Development Corporation (MIDC)-ni Chairman James PK Sangma parakataha.
Sangma-ni parakatani gitade, JCIF-ko songanichi, industry ba karkanarangko chalaienggipa pilak manderangkon iano bak ong•ate a•doko donggipa industry-rangko tang•doatna man•gen aro dingtang dingtang industry-rangni chagrongna nangenggipa neng•nikanirangkoba namatna man•gen.
Adita salrangna skang uni, New Delhi-o Confederation of Indian Industry (CII) aro Federation of Indian Chamber of Commerce & Industry (FICCI) baksa tom•anio uamang, 2028 bilsini gisepo Meghalaya a•dokko billion dollar 10 economy ong•gipa a•dok ong•atna niksamsoaniko chu•sokgipa ong•atani bidingo chanchirimangaha ineba MIDC-ni Chairman parakataha.
Re•anggipa May-ni 4 tarikosan ua Meghalaya a•dokni Chief Minister Conrad K Sangma-koba gronge, MIDC-ni forum-ko nodal agency ong•e dilchina didiangahachim ine nikna man•a.
Iakoba poraie nina man·gen: DAMA, Bass aro Drums-ni bidingo Tura-o workshop-ko ong·atnasia
